கோலாலம்பூர்: நேர்மை இல்லாதபோது அரசாங்கம் பெரும் பெரும்பான்மையைக் கொண்டிருப்பதில் எந்த அர்த்தமும் இல்லை என்று பாஸ் தலைவர் அப்துல் ஹாடி அவாங் கூறினார்.
“ஒருவர் பெரும்பான்மை ஆதரவைப் பெறுகிறார், ஆனால் நேர்மை இல்லை. பெரும்பான்மை ஆதரவைப் பெற மக்களிடம் பொய் சொன்னால் என்ன நன்மை? ஒருவர் தங்கள் நேர்மையை இழந்துவிட்டார் என்பதற்கான அறிகுறிக்கு பொய்கள் போதும். இது நிச்சயமாக மோசமான நடத்தைகளுக்கு வழிவகுக்கும்,” என்று அவர் கூறினார்.
அவர் எந்த நபரையும், கட்சிகளையும் பெயரிடவில்லை.
மார்ச் 31 அன்று, தேசிய கூட்டணி அரசாங்கத்தை வலுப்படுத்த பாஸ் மற்றும் பெர்சாத்து உறுதியளித்தனர்.
தேசிய கூட்டணி அரசாங்கத்திலிருந்து விலகுவதற்கு அம்னோ சமீபத்தில் முடிவு செய்திருந்தது. அது எப்போது நடக்க வேண்டும் என்பதை கட்சித் தலைவர் அகமட் சாஹிட் ஹமீடி முடிவு செய்வார்.
தற்போது, அம்னோவுடனான 15- வது பொதுத் தேர்தலுக்காக இட ஒதுக்கீடுகளைப் பற்றிப் பேச்சுவார்த்தையை பாஸ் நிறுத்தி வைத்துள்ளது.
