Home நாடு ஊடக சுதந்திரக் குறியீட்டில் மலேசியாவுக்கு 119-வது இடம்

ஊடக சுதந்திரக் குறியீட்டில் மலேசியாவுக்கு 119-வது இடம்

111
0
SHARE
Ad

கோலாலம்பூர்: வருடாந்திர ஊடக சுதந்திரக் குறியீட்டில் மலேசியா மேலும் ஒன்பது இடங்கள் சரிந்தது.

எல்லைகள் இல்லாத நிருபர்கள் (ஆர்.எஸ்.எப்) பட்டியலில், தென்கிழக்காசியாவில், உள்ள நாடுகளைப் பொறுத்தவரை, இந்தோனிசியா (113) மட்டுமே மலேசியாவை விட சிறந்த நிலையை பதிவு செய்துள்ளது.

சிறந்த இடத்தைப் பெற்ற ஆசிய நாடு தென் கொரியா (42) ஆகும்.

#TamilSchoolmychoice

மலேசியாவின் சிறந்த தரவரிசை 2020- இல் (180 நாடுகளில் 101) பதிவு செய்யப்பட்டது. மிக மோசமான தரவரிசை 2014 மற்றும் 2015 இல் (147) பதிவு செய்யப்பட்டது.

2018 தேர்தலுக்குப் பிறகு மலேசியாவில் ஊடக சுதந்திரம் வியத்தகு அளவில் அதிகரித்தது என்று ஆர்.எஸ்.எப் கூறியது. ஆனால், பிரதமர் மொகிதின் யாசின் பதவியேற்றதிலிருந்து நிலைமை மாறிவிட்டதாக அது குறிப்பிட்டுள்ளது.

“ஊடகங்களைப் பொறுத்தவரை, 2020- ஆம் ஆண்டில் சர்வாதிகார நிர்வாகத்தை மீட்டெடுக்கும் வழக்குகள், காவல் துறை தேடல்கள், வெளியேற்றங்கள் (ஊடகவியலாளர்கள் மற்றும் தகவலறிந்தவர்கள்) மற்றும் பத்திரிகையாளர் ஆதாரங்களின் இரகசியத்தன்மையை அப்பட்டமாக மீறுவதை காணமுடிந்தது.

“கடந்த ஆண்டு ஆகஸ்டில், வெளிநாட்டினரை துன்புறுத்திய குற்றச்சாட்டுகள் குறித்த ஆவணப்படம் தொடர்பாக அல் ஜசீராவின் கோலாலம்பூர் அலுவலகத்தில் அதிகாரிகள் சோதனை நடத்தினர்.

“ஊடக சுதந்திரத்தை கட்டுப்படுத்தும் பல சட்டங்கள் கடந்த ஆண்டு முதல் நடைமுறையில் உள்ளன.” என்று ஆர்.எஸ்.எப் குறிப்பிட்டுள்ளது.

தேசத்துரோக சட்டம் 1948, அதிகாரப்பூர்வ இரகசியங்கள் சட்டம் 1972 மற்றும் தகவல் தொடர்பு மற்றும் பல்லூடக சட்டம் 1998 இதில் அடங்கும்.

“ஒரு விரிவான மாற்றத்திற்கு தகுதியான சட்டத்தின் கீழ், உரிமங்களை வெளியிடுவதில் அதிகாரிகளுக்கு கடுமையான கட்டுப்பாடு உள்ளது. மேலும், பத்திரிகையாளர்களுக்கு தேசத்துரோக குற்றச்சாட்டில் 20 ஆண்டுகள் சிறைத்தண்டனை விதிக்கப்படலாம்,” என்று ஆர்.எஸ்.எப். பதிவிட்டுள்ளது.

Comments