கிள்ளான் : சிலாங்கூரிலுள்ள கோத்தா கெமுனிங் சட்டமன்ற உறுப்பினராக இருந்த கணபதி ராவ் இந்த முறை மீண்டும் அங்கு போட்டியிட வாய்ப்பு வழங்கப்படாத நிலையில், அவருக்குப் பதிலாக வழக்கறிஞர் பிரகாஷ் சம்புநாதன் அங்கு வேட்பாளராக ஜசெக சார்பில் நிறுத்தப்படுகிறார்.
கணபதி ராவ் 15-வது பொதுத் தேர்தலில் கிள்ளான் நாடாளுமன்றத் தொகுதியில் போட்டியிட்டு வெற்றி பெற்றிருப்பதால் இந்த முறை அவருக்கு கோத்தா கெமுனிங் சட்டமன்றத் தொகுதியில் போட்டியிட வாய்ப்பு வழங்கப்படவில்லை.
14-வது பொதுத் தேர்தலில் கோத்தா கெமுனிங் தொகுதியில் போட்டியிட்ட கணபதி ராவ் 28,617 வாக்குகள் பெற்று தன்னை எதிர்த்துப் போட்டியிட்ட பாஸ், கெராக்கான் வேட்பாளர்களை 21,639 வாக்குகள் பெரும்பான்மையில் வெற்றி பெற்றார்.
கோத்தா கெமுனிங் தொகுதியில் 41 விழுக்காடு மலாய் வாக்காளர்களும் சீன வாக்காளர்கள் 34 விழுக்காடும் இந்திய வாக்காளர்கள் 24 விழுக்காடும் இருக்கின்றனர்.
