ஹராரே, ஆக. 23- ஆப்பிரிக்க நாடான ஜிம்பாப்வேயில் கடந்த ஜூலை மாதம் 31-ம் தேதி அதிபர் தேர்தல் நடந்தது.
இந்த தேர்தலில் 89 வயதான அதிபர் ராபர்ட் முகாபேவை எதிர்த்து பிரதமரும் எதிர்கட்சித்தலைவருமான வேங்கிராய் போட்டியிட்டார்.
இந்த தேர்தலில் 61 சதவிகித வாக்குகளை அதிபர் முகாபேயும், 34 சதவிகித வாக்குகளை வேங்கிராயும் பெற்றனர்.
ஆனால் இந்த தேர்தலில் முறைகேடு நடந்துள்ளதாக வேங்கிராய் வழக்கு தொடர்ந்தார். இந்த வழக்கை அரசியலமைப்பு நீதிமன்றம் பின்னர் தள்ளுபடி செய்தது. இதனையடுத்து நேற்று ராபர்ட் முகாபே 7-வது முறையாக அதிபராக பதவியேற்ற்றுக்கொண்டார்.
அடுத்த 5 ஆண்டுகளுக்கு ஜிம்பாப்வேயின் அதிபராக இருக்கப்போகும் முகாபே இந்த தேர்தலை ஏற்றுக்கொள்ளாத மேற்கத்திய நாடுகளான பிரிட்டன் மற்றும் அமேரிக்காவை தாக்கி பேசினார்.
எதிர் கட்சித்தலைவர் வேங்கிராய், முகாபேயின் பதவியேற்பு விழாவில் கலந்துகொள்ளவில்லை.
