இஸ்லாமாபாத், ஜன 16- பாகிஸ்தானின் முன்னாள் ராணுவ ஆட்சியாளரான பர்வேஸ் முஷரப் மீது தேசத் துரோக வழக்கு பதிவு செய்யப்பட்டு விசாரணை நடத்தப்பட்டு வருகிறது. இந்த வழக்கு விசாரணையில் ஆஜராவதற்காக அவர் கடந்த 2 ஆம் தேதி நீதிமன்றத்திற்கு கொண்டு செல்லப்பட்ட அவருக்குத் திடீரென நெஞ்சுவலி ஏற்பட்டது.
இதனைத் தொடர்ந்து ராணுவ மருத்துவமனையின் இதயவியல் தீவிர சிகிச்சைப் பிரிவில் இவர் அனுமதிக்கப்பட்டார். அம்மருத்துவமனையில், நேற்று தீ விபத்து ஏற்பட்டது.
இந்த தீ விபத்து மின்கோளாறு காரணமாக ஏற்பட்டது. தீ உடனடியாக அணைக்கப்பட்டதால் இந்த தீ விபத்தில் முஷாரப்புக்கு எந்த பாதிப்பும் ஏற்படவில்லை.
