கோலாலம்பூர், ஆகஸ்ட் 31 – மலேசியா முழுவதும் இன்று கொண்டாடப்பட்டு வரும் நாட்டின் 57 -வது சுதந்திர தினத்தை முன்னிட்டு பிரபல பாடலாசிரியரும், எழுத்தாளருமான யுவாஜி (படம்), நமது செல்லியலுக்கு அனுப்பியுள்ள பிரத்தியேக கவிதை இதோ….
செவ்வகம் ஒன்றை செவ்வனே வரைந்து
அதனுள் வெள்ளையும், சிவப்புமாய்
பதினாங்கு பட்டைகள் வரைந்து…
மஞ்சள் நிறத்தில் அழகான செம்பிறையும்
அலங்கோலமாய் பதினாங்கு முனை
கொண்ட நட்சத்திரமும் வரைந்து…
பின்னணியில் கருநீல வண்ணம் பூசி…
கத்தரிக்கோலால் அழகாக வெட்டி எடுத்து
வீட்டிருந்த உறிஞ்சு குழாயில் பசைப் பூசி …
தான் வரைந்த மலேசியக் கொடியை
அதில் ஒட்டி..
நள்ளிரவு வரைக் காத்திருந்து …
தன் பிஞ்சுக் குரலில் சம்யுக்தா பாப்பா
மேசை மீது ஏறிக் கத்தினாள்…
மெர்டேக்கா….மெர்டேக்கா….
