கோலாலம்பூர், செப்டம்பர் 21 – இயக்குநர் சி குமரேசன் முன்பே அறிவித்திருந்தது போல் ‘மைந்தன்‘ திரைப்படம் தமிழகத்தின் முக்கிய நகரங்களான சென்னை, மதுரை, கோயம்பத்தூர், திருச்சி போன்ற இடங்களில், சுமார் 50-க்கும் மேற்பட்ட திரையரங்குகளில் நேற்று முன்தினம் செப்டம்பர் 19 முதல் வெளியீடு கண்டது.
தமிழகத்தில் ‘மைந்தன்‘ வெளியிடுவதற்காக அப்படத்தின் இயக்குநரும், நடிகருமான சி குமரேசன் சென்னை சென்றுள்ளார்.
அங்கிருந்த படி, தற்போது இந்தத் தகவலை நமது செல்லியலிடம் பகிர்ந்துள்ளார்.
மேலும், நேற்று முதல் தமிழகத்தில் ‘மைந்தன்‘ வெளியிடப்பட்ட திரையரங்குகளில் ரசிகர்கள் மத்தியில் பெரும் ஆதரவு கிடைத்து வருவதால், திரையரங்குகளின் எண்ணிக்கை மேலும் அதிகரிக்கலாம் என்றும் குமரேசன் குறிப்பிட்டுள்ளார்.
