Home உலகம் ஏர் ஆசியா விமானத்தை தேடும் பணியில் இந்திய கடற்படை கப்பல்கள் ஈடுபடலாம்!

ஏர் ஆசியா விமானத்தை தேடும் பணியில் இந்திய கடற்படை கப்பல்கள் ஈடுபடலாம்!

168
0
SHARE
Indian Navy

கோலாலம்பூர், டிசம்பர் 28 – இன்று காலை காணாமல் போன ஏர் ஆசியா விமானத்தை தேடும் பணியில் இந்திய கடற்படைக்குச் சொந்தமான 3 கப்பல்கள் ஈடுபடுத்தப்படலாம் எனத் தகவல்கள் தெரிவிக்கின்றன.

மீட்பு மற்றும் தேடுதல் பணியில் ஈடுபடுத்த 3 கப்பல்களை இந்திய கடற்படை தயார் நிலையில் வைத்துள்ளதாக ‘ஸீ நியூஸ்’ (ZEE NEWS) தொலைக்காட்சி செய்தி தெரிவித்துள்ளது.

மேலும் இந்தியக் கடற்படைக்குச் சொந்தமான போயிங் பி8-1 ரக விமானம் ஒன்றும் தயார் நிலையில் இருப்பதாக அத்தொலைக்காட்சி மேலும் கூறியுள்ளது.

தற்போது, இந்தோனிசியா, சிங்கப்பூர், மலேசியா ஆகிய நாடுகள் கூட்டாக விமானத்தைத் தேடும் வேட்டையில் மும்முரமாக ஈடுபட்டுள்ள வேளையில், இந்தியாவும் உதவ முன்வந்துள்ளது.

பிரிட்டன் போன்ற நாடுகளும் தேடுதல் மற்றும் மீட்புப் பணிகளில் உதவ தயாராக இருப்பதாக அறிவித்துள்ளன.

Comments