ஈடன், மார்ச் 24 – உலகக்கோப்பை அரையிறுதிப் போட்டியில் தென் ஆப்பிரிக்காவை 4 விக்கெட்டு வித்தியாசத்தில் வீழ்த்தி இறுதிப் போட்டிக்கு தகுதி பெற்றது நியூசிலாந்து அணி.
உலக்கோப்பை போட்டியின் முதலாவது அரையிறுதிப் போட்டி ஈடன் மைதானத்தில் நியூசிலாந்து – தென் ஆப்பிரிக்கா அணிகளுக்கிடையே நடைபெற்றது. இதில் டாஸ் வென்ற தென் ஆப்பிரிக்கா அணி முதலில் பேட்டிங் செய்ய தீர்மானித்தது.
அதன்படி முதலில் களமிறங்கிய தென் ஆப்பிரிக்கா அணிக்கு தொடக்கமே அதிர்ச்சிகரமாக அமைந்தது. இந்நிலையில் ஆட்டத்தில் மழை குறிக்கிட்டதால் ஆட்டம் தடைபட்டதோடு, ஆட்டம் 43 ஓவர்களாக குறைக்கப்பட்டது.
43 ஓவர்கள் முடிவில் தென் ஆப்பிரிக்கா அணி 5 விக்கெட் இழப்பிற்கு 281 ரன்கள் குவித்தது. பின்னர் டக்வர்த் முறையில் நியூசிலாந்து அணி 43 ஓவர்களில் 298 ரன்கள் எடுத்தால் வெற்றி என நிர்ணயிக்கப்பட்டது.
பின்னர் ஆடிய நியூசிலாந்து அணி 42.5 ஓவர்களில் 299 ரன்கள் எடுத்து 4 விக்கெட்டு வித்தியாசத்தில் வெற்றி பெற்று இறுதிப் போட்டிக்கு தகுதிபெற்றது. அதிகபட்சமாக நியூசிலாந்த அணியின் எல்டர் 84 ரன்கள் எடுத்து ஆட்ட நாயகன் விருது பெற்றார்.
