கோலாலம்பூர், ஏப்ரல் 9 – முன்னாள் பிரதமர் துன் டாக்டர் மகாதீர் முகமட் தன் மீது கூறும் குற்றச்சாட்டுகளுக்கு, பிரதமர் நஜிப் துன் ரசாக் இன்று இரவு டிவி3 தொலைக்காட்சியில் ஒளிபரப்பாகவிருக்கும் நிகழ்ச்சி ஒன்றில் பதிலளிப்பார் என மலேசியாகினி செய்தி வெளியிட்டுள்ளது.
‘அரசியல் மற்றும் பொருளாதாரம்’ என்ற தலைப்பில் டிவி3 தொலைக்காட்சியில் இன்று இரவு 10 அல்லது 11 மணியளவில் ஒளிபரப்பாகவுள்ள முன்கூட்டியே பதிவு செய்யப்பட்ட கேள்வி பதில் நேர்காணலில், நஜிப் பதிலளித்துள்ளதாகவும் கூறப்படுகின்றது.
இதை மலேசியாகினி செய்தி இணையதளமும், பிரதமர் அலுவலகத்தை தொடர்பு கொண்டு உறுதிப்படுத்தியுள்ளது குறிப்பிடத்தக்கது.
