புதுடெல்லி, ஏப்ரல் 15 – 3 நாடுகளுக்கான சுற்றுப் பயணத்தை பிரதமர் மோடி கடந்த 9-ஆம் தேதி தொடங்கினார். ஏர் இந்தியாவின் போயிங் 747-400 ரக விமானத்தில் அவரது குழுவினரும் பயணம் செய்தனர்.
பிரான்ஸ் பயணத்தை முடித்துக் கொண்டு இந்திய குழுவினர் ஜெர்மனி சென்றுள்ளனர். இந்நிலையில் பெர்லின் நகரில், பிரதமரின் ஏர் இந்தியா ஒன் விமானத்தின் இன்ஜினில் பழுது ஏற்பட்டது.
வழக்கமாக பிரதமர் வெளிநாடு பயணம் மேற்கொள்ளும் போது, அந்த விமானத்தில் பழுது ஏற்பட்டால் மாற்று விமானம் தயார் நிலையில் வைத்திருக்கப்படும்.
அதுபோல் மும்பையில் தயார் நிலையில் இருந்த ஏர் இந்தியா விமானம் நேற்று பெர்லினுக்கு அனுப்பி வைக்கப்பட்டது. அந்த விமானத்தில், பிரதமர் மோடி தனது கனடா பயணத்தை தொடர்ந்து மேற்கொள்வார்.
