சென்னை,மே 26- ஜெயலலிதாவின் பதவியேற்பு விழாவில் பாஜக மத்திய மந்திரி பொன்.ராதாகிருஷ்ணன் கலந்து கொண்டதும்,ஜெயலலிதாவின் சொத்துக் குவிப்பு வழக்கு விடுதலையில் பாஜகவின் உதவி உண்டு என்ற ஊகம் வலுப்பெற்றது.
இந்நிலையில் அவர், திமுக தலைவர் கருணாநிதியை அவரது கோபாலபுரம் இல்லத்தில் திடீரெனச் சந்தித்துப் பேசியுள்ளது பரபரப்பை ஏற்படுத்தியுள்ளது.
இந்தச் சந்திப்பு சுமார் 8 நிமிடம் நீடித்தது.
இந்தச் சந்திப்பிற்குப் பிறகு வெளியே வந்த பொன்.ராதாகிருஷ்ணன் நிருபர்களிடம் கூறியதாவது: “ இந்தச் சந்திப்பு அரசியல் சார்ந்தது இல்லை;நட்பு அடிப்படையிலானது.கருணாநிதியின் சகோதரி மரணம் அடைந்த போது நான் ஊரில் இல்லை.எனவே, அவரிடம் எனது ஆழ்ந்த வருத்தத்தைத் தெரிவிக்கவே இங்கு வந்தேன்” என்று விளக்கமளித்தார்.
Comments
