சென்னை, ஜூன் 27 – சென்னை ஆர்.கே. நகர் தொகுதி இடைத்தேர்தல் இன்று காலை 8.30 மணிக்கு வாக்குப்பதிவு தொடங்கியது. இந்த வாக்குப்பதிவு மாலை 5 மணி வரை நடைபெறுகிறது.
தொகுதியில் மொத்தம் உள்ள 238 வாக்குச்சாவடிகளில் சுமார் 38 வாக்குச்சாவடிகள் பதற்றமானவையாகக் கண்டறியப்பட்டுள்ளது. வாக்குப்பதிவை முன்னிட்டு பள்ளி, கல்லூரிகளுக்கு விடுமுறை அளிக்கப்பட்டுள்ளது.
இன்று நடைபெறும் இடை தேர்தலி்ல் அதிமுக சார்பில் ஜெயலலிதா, இ.கம்யூ., சார்பில் மகேந்திரன், மற்றும் டிராபிக் ராமசாமி உட்பட 28 பேர் இந்த இடைத்தேர்தலில் போட்டியிடுகின்றனர்.
பதற்றமான மையங்களில் துப்பாக்கி ஏந்திய துணை ராணுவத்தினர் பாதுகாப்புப் பணியில் ஈடுபடுத்தப்பட்டுள்ளனர். ஆர்.கே.நகரில் பதிவாகும் வாக்குகள் வரும் 30-ஆம் தேதி எண்ணப்பட்டு, முடிவு அறிவிக்கப்படும் என்று தெரிவிக்கப்பட்டுள்ளது.
