சென்னை – தனிக்கட்சி தொடங்கி தான் அரசியலுக்கு வரப் போவதை நடிகர் ரஜினிகாந்த் கடந்த டிசம்பர் 31-ம் தேதி ரசிகர்கள் முன்னிலையில் அதிகாரப்பூர்வமாக அறிவித்தார்.
அதிலும் குறிப்பாக, ஆன்மீக அரசியலை முன்னெடுப்போம் என ரஜினி கூறியிருந்தது அரசியல் வட்டாரங்களில் பல கேள்விகளை எழுப்பியிருந்தது.
இந்நிலையில், அவரிடம் ஆன்மீக அரசியல் என்றால் என்ன? என இன்று செவ்வாய்க்கிழமை செய்தியாளர்கள் கேள்வி எழுப்பினர்.
அதற்குப் பதிலளித்த ரஜினிகாந்த், “ஆன்மீக அரசியல் என்பது உண்மையான, நேர்மையான, நாணயமான ஜாதிமத சார்பற்ற அறப்பற்று கொண்ட அரசியலுக்கு பெயர்தான் ஆன்மிக அரசியல்” என்று விளக்கமளித்தார்.
