Home நாடு சிலாங்கூர்: நீர் விநியோகத் தடை குறித்து விசாரிக்க விசாரணை ஆணையம் தேவையில்லை!

சிலாங்கூர்: நீர் விநியோகத் தடை குறித்து விசாரிக்க விசாரணை ஆணையம் தேவையில்லை!

151
0
SHARE

ஷா அலாம்: சிலாங்கூர் மாநிலத்தில் அடிக்கடி நீர் பாதிப்பு ஏற்படுவதைத் தொடர்ந்து அதனை விசாரிக்கும் வண்ணம் விசாரணை ஆணையம் அமைக்கத் தேவையில்லை என சிலாங்கூர் மாநில மந்திரி பெசார் அமிருடின் ஷாரி கூறியுள்ளார்.

சிலாங்கூரில் நீர் விநியோக சீர்குலைவுக்கான காரணங்கள் அனைத்தும் அடையாளம் காணப்பட்டுவிட்ட நிலையில் அவை சரி செய்யப்பட்டு விட்டன என அவர் கூறினார்.

கடந்த மே 5-ஆம் தேதி, மேற்குக் கரையோர நெடுஞ்சாலை கட்டுமான தளத்தில் நீர் குழாய் உடைந்ததைத் தொடர்ந்து சுமார் 400,000 பயனர்கள் பாதிக்கப்பட்டனர். இதனால் ஆறிலிருந்து ஏழு நாட்களுக்கு நீரில்லாமல் மக்கள் அவதியுற்றனர்.

“இந்த சிக்கலை நாங்கள் உடனடியாக தீர்க்க முடியவில்லை. ஏனென்றால், குழாய் பழுதுபார்க்கும் வேலைகள் செய்யும் போது ஓரிரு சம்பவங்களினால் நீண்ட நேரம் எடுக்கும் நிலை ஏற்பட்டது. இந்த சம்பவத்தை குறித்து நான் இன்னும் ஆயிர் சிலாங்கூரிடமிருந்து முழு அறிக்கைக்காக காத்திருக்கிறேன்என அவர் குறிப்பிட்டார்.

Comments