மாஸ்கோ : உக்ரேனுக்கு எதிரான போரில் பின்னடைவைச் சந்தித்து வரும் ரஷியா, கூடுதலாக 3 இலட்சம் இராணுவத்தினரை போரில் ஈடுபடுத்தப் போவதாக அறிவித்திருக்கிறது.
இதைத் தொடர்ந்து ரஷியாவில் பொதுமக்களிடத்தில் எதிர்ப்பு ஆர்ப்பாட்டங்கள் தொடங்கியுள்ளன. பல நகர்களில் ஆயிரக்கணக்கானோர் தெருக்களில் இறங்கி ஆர்ப்பாட்டம் நடத்தினர்.
800-க்கும் மேற்பட்டோர் ரஷியக் காவல் துறையினரால் கைது செய்யப்பட்டிருக்கிறார்கள்.
அனைத்துலக அளவிலும் பல நாடுகள் புடின் முடிவுக்கு எதிராகக் கண்டனம் தெரிவித்து வருகிறார்கள். இது போர் தொடுக்கும் நேரமல்ல என அண்மையில் இந்தியப் பிரதமர் நரேந்திர மோடி கருத்துரைத்திருந்தார்.
அண்டை நாடுகளில் சீனா மட்டுமே, ரஷியாவுக்கு ஆதரவான நிலைப்பாட்டை எடுத்திருக்கிறது.
