சென்னை,ஜூன் 16- படத்தின் விளம்பரத்திற்காகத் தமிழ்ச் சினிமாக்காரர்கள் என்ன வேண்டுமானாலும் செய்வார்கள்.
ஆர்யாவுக்கும் நயன்தாராவுக்கும் உண்மையிலேயே கல்யாணம் ஆகிவிட்டது போல் தமிழகம் முழுக்கச் சுவரொட்டி ஒட்டி பரபரப்பைத் தூண்டினார்கள். பின்பு ‘அது சும்மா சினிமாக் கல்யாணம்; ராஜா ராணிப் பட விளம்பரம்’ என்று சொல்லிச் சிரித்தார்கள்.
அடுத்து, நயன்தாரா- சிம்பு ஜோடிக்கு வியாபார மதிப்பு (commercial value) இருப்பதை வைத்து இருவரையும் வம்படியாய் ஒன்று சேர்த்து, ‘இது நம்ம ஆளு’ என்று படத்திற்குப் பேரும் வைத்து, இரசிகர்கள் மத்தியில் ஒரு எதிர்பார்ப்பைக் கிளப்பினார்கள். படம் பாதியிலேயே நின்று போய்விட்டது.
இப்போது அதே பாணியைச் சுந்தர்.சி-யும் கையில் எடுத்திருக்கிறார். ஒன்றாகக் குடித்தனம் நடத்திவிட்டுப் புரிதல் இல்லாமல் பிரிந்து சென்றுவிட்ட சமந்தாவையும் சித்தார்த்தையும் ஜோடி சேர்த்து ஒரு படம் எடுக்கப் போகிறாராம்.
அவர் எடுக்கும் பேய்ப் படம் பகுதி 2-க்கு இந்த இருவரும் தான் ஜோடியாம்!
