சென்னை – ஜி.கே.வாசனின் தலைமையிலான தமிழ் மாநிலக் காங்கிரஸ் (தமாகா) மக்கள் நலக் கூட்டணி – விஜயகாந்த் இணைந்த கூட்டணியில் இணைவது உறுதியாகியுள்ளது.
இந்திய நேரம் 4.30 மணியளவில் தமிழகத் தொலைக்காட்சி அலைவரிசைகள் வெளியிட்ட தகவல்களின்படி, கோயம்பேட்டிலுள்ள தேமுதிக அலுவலகம் நோக்கி, மக்கள் நலக் கூட்டணித் தலைவர்கள் தற்போது வந்து கொண்டிருக்கின்றனர்.
சில வாரங்களுக்கு முன்னால் வாசனுடன் வைகோ, திருமா கூட்டணி குறித்த சந்திப்பு நடத்தியபோது…
விரைவில் வாசன் இணைப்பு குறித்த அறிவிப்பு வெளியாகும் என எதிர்பார்க்கப்படுகின்றது.
இதனைத் தொடர்ந்து மக்கள் நலக் கூட்டணியின் பலம் மேலும் அதிகரிக்கும் என எதிர்பார்க்கப்படுகின்றது. இத்தனை கட்சிகள் – வலுவான மக்கள் ஆதரவுள்ள தலைவர்கள் – திமுக, அதிமுகவுக்கு எதிராக ஒன்றிணைவது தமிழக அரசியல் வரலாற்றில் ஒரு திருப்பு முனையாகக் கருதப்படுகின்றது.
தமாகா வட்டாரத்திலும் கட்சித் தொண்டர்களிடையே இந்தக் கூட்டணி இணைப்புக்கு பெரும் ஆதரவு கிடைத்து வருவதாகத் தகவல்கள் தெரிவிக்கின்றன.
