ரியோ டி ஜெனிரோ – (கூடுதல் தகவல்களுடன்) முதல் செட் ஆட்டத்தில் ஸ்பெயின் நாட்டின் ஆட்டக்காரர் கரோலினா மரின்’னை 21-19 புள்ளிக் கணக்கில் தோற்கடித்த சிந்து, கரோலினாவின் கடும் போராட்டத்தினால் இரண்டாவது ஆட்டத்தில் 12-21 புள்ளிகளில் தோல்வியடைந்தார்.
இதனைத் தொடர்ந்து மூன்றாவது செட் ஆட்டத்தில் கடுமையானப் போராட்டம் நடத்திய சிந்து 21-15 புள்ளிகள் வித்தியாசத்தில் தோல்வியைத் தழுவினார். ஏறத்தாழ 1 மணி நேரம் 23 நிமிடங்கள் இருவருக்கும் இடையிலான போராட்டம் நீடித்தது.
கரோலினா-சிந்து ஆட்டம் முடிந்த சில நிமிடங்களிலேயே, இந்தியப் பிரதமர் நரேந்திர மோடி தனது டுவிட்டர் பக்கத்தின் வழி சிந்துவுக்கு வாழ்த்து தெரிவித்தார்.
“வெள்ளிப் பதக்கம் பெற்றதற்கு வாழ்த்துகள். மிகச் சிறப்பான முறையில் போராட்டம் நடத்தினீர்கள். ரியோ 2016 ஒலிம்பிக்சில் நீங்கள் நிகழ்த்திய சாதனை வரலாற்றுபூர்வமானது. அடுத்து வரும் பல ஆண்டுகளுக்கு அனைவராலும் நினைவில் கொள்ளப்படும்” என மோடி தனது டுவிட்டரில் தெரிவித்துள்ளார்.
