போபால் – இன்று திங்கட்கிழமை அதிகாலை போபால் சிறையிலிருந்து 8 சிமி தீவிரவாதிகள், பாதுகாப்புப் பணியில் இருந்த காவலரைக் கொன்றுவிட்டு தப்பி ஓடியுள்ளனர். இதனால் இந்தியா முழுவதும் கடும் எச்சரிக்கை விடுக்கப்பட்டுள்ளது.
தடை செய்யப்பட்ட சிமி இயக்கத்தை சேர்ந்த 8 தீவிரவாதிகள், போபால் மத்திய சிறைச்சாலையில் அடைத்து வைக்கப்பட்டிருந்தனர்.
வடஇந்தியாவில் தீபாவளி பண்டிகை நேற்று கொண்டாடப்பட்ட நிலையில், அனைவரும் ஓய்வெடுக்கும் திங்கட்கிழமை அதிகாலை நேரத்தை பயன்படுத்தி சிமி தீவிரவாதிகள் தப்பிச் சென்றுள்ளனர்.
இந்நிலையில், இச்சம்பவம் குறித்து உடனடியாக விசாரணை நடத்தி, தப்பிச் சென்ற தீவிரவாதிகளைப் பிடிக்கவும், நாடெங்கிலும் எச்சரிக்கை விடுக்கவும், மத்தியப் பிரதேச உள்துறை அமைச்சர் உத்தரவிட்டுள்ளார்.
போபாலில் இருந்து 280 கி.மீ தொலைவில் உள்ள சிறைச்சாலை ஒன்றில் இருந்து கடந்த 3 ஆண்டுகளுக்கு முன் இதே போல் 7 சிமி சிறை கைதிகள் தப்பியோடியது குறிப்பிடத்தக்கது.
