கோலாலம்பூர் – கடந்த வியாழக்கிழமை அதிகாலை ஜாலான் டத்தோ கெராமட்டில் அமைந்திருக்கும் சமயப்பள்ளியில் ஏற்பட்ட தீவிபத்தில் 21 மாணவர்களும், 2 ஆசிரியர்களும் பலியாகினர்.
இந்நிலையில், இச்சம்பவம் ஒரு விபத்து என்ற கோணத்தில் தான் முதற்கட்ட விசாரணை துவங்கப்பட்டாலும் கூட, தற்போது இச்சம்பவத்திற்குப் பின்னால் சதி வேலைகள் காரணமாக இருக்கலாம் என்ற சந்தேகம் எழுந்திருக்கிறது.
காரணம், அதிகாலை 5 மணியளவில் நடந்த இத்தீவிபத்திற்கு 2 மணி நேரத்திற்கு முன்னர், அதிகாலை 3 மணியளவில் சமயப்பள்ளியின் வளாகத்தில் மர்ம நபர் ஒருவர் நுழைவது போல் இரகசியக் கேமராவில் காட்சிகள் பதிகாகியிருப்பதாக காவல்துறைத் தரப்பில் உறுதிப்படுத்தப்பட்டிருக்கிறது.
அதுமட்டுமின்றி, அந்தச் சமயப்பள்ளி மாணவர்களிடையே அண்மையில் நடந்த சண்டையும் விசாரணை செய்யப்பட்டு வருகின்றது.
மேலும், அப்பள்ளியைச் சேர்ந்த மாணவர் ஒருவரும் விசாரணை செய்யப்பட்டு வருவதாகவும் காவல்துறை கூறியிருக்கிறது.
படம்: Harian Metro
