வாஷிங்டன் – வடகொரியாவின் அத்துமீறிய அணு ஆயுதச் சோதனைகளால் அமெரிக்கா தொடர்ந்து ஆத்திரமடைந்து வருகின்றது.
வடகொரியாவை அழிக்கப் போவதாக அமெரிக்க அதிபர் டிரம்ப் டுவிட்டரில் கருத்துத் தெரிவித்து வருகின்றார்.
இதனால் எந்த நேரத்திலும் இரு நாடுகளுக்கு இடையில் போர் மூளும் நிலை ஏற்பட்டிருக்கிறது.
அமெரிக்காவை எதிர்கொள்ள வடகொரியாவும் அதிநவீன அணு ஆயுதங்களைத் தயார் செய்து வருகின்றது.
இந்நிலையில், அமெரிக்காவின் ஆளுங்கட்சி நாடாளுமன்ற உறுப்பினர்களில் ஒருவரான பாப் கார்கர், டிரம்பின் இது போன்ற பேச்சுகளால் மூன்றாம் உலகப் போர் ஏற்படும் நிலை ஏற்பட்டிருப்பதாகக் குறிபிட்டிருக்கிறார்.
