கோலாலம்பூர் – நேற்று சனிக்கிழமை நடைபெற்ற அம்னோ இளைஞர் பகுதித் தலைவருக்கான தேர்தலில் அம்னோ உச்சமன்ற உறுப்பினர் அஷ்ராப் வாஜ்டி டுசுக்கி (படம்) வெற்றி பெற்றுள்ளதாக அதிகாரபூர்வமற்ற தகவல்கள் தெரிவிக்கின்றன.
தன்னை எதிர்த்துப் போட்டியிட்ட 7 வேட்பாளர்களைத் தோற்கடித்து அவர் வெற்றி பெற்றுள்ளார்.
அம்னோ புத்ரி பிரிவுக்கான தலைவர் தேர்தலில் நடப்பு துணைத் தலைவரான சாஹிடா சாரிக் கான் வெற்றி பெற்றதாகவும் தகவல்கள் தெரிவிக்கின்றன.
இதற்கிடையில், இளைஞர், மகளிர் பகுதித் தலைமைப் பகுதிகளுக்கான தேர்தல்கள் குறித்துக் கருத்து தெரிவித்த துங்கு ரசாலி ஹம்சா தான் ஆதரித்த வேட்பாளர்கள் அனைவரும் வெற்றி பெற்றுள்ளதாகத் தெரிவித்தார்.
