வாஷிங்டன்: அமெரிக்க அதிபர் தேர்தலில் ஏற்கனவே பல இலட்சக்கணக்கானவர்கள் தபால் மூலமாக வாக்களித்துள்ள நிலையில், ஆரம்பக்கட்ட வாக்குப்பதிவில் 7 கோடி பேர் வாக்களித்துவிட்டதாக தகவல் வெளியாகியுள்ளது.
அமெரிக்காவில் நவம்பர் 3- ஆம் தேதியன்று அதிபர் தேர்தல் நடைபெறவிருக்கிறது. இதில் டொனால்டு டிரம்ப் போட்டியிடுகிறார். அவரை எதிர்த்து ஜனநாயகக் கட்சி வேட்பாளராக ஜோ பைடன் போட்டியிடுகிறார்.
இரண்டு வேட்பாளர்களும் பிரச்சாரப் பணிகளை தீவிரப்படுத்தியுள்ளனர்.
ஜோர்ஜ் பிளாய்ட் எனும் கருப்பினத்தவர் மே மாதம் காவல் துறையினரால் சுட்டுக்கொல்லப்பட்டதும், அதனால் எழுந்த போராட்டங்களும் தேர்தலில் ஏராளமான மக்கள் ஆர்வத்துடன் வாக்களிப்பதற்கு காரணமாகக் கருதப்படுகிறது.
மேலும், கொவிட்-19 தொற்று சம்பந்தமாக டிரம்ப் எடுத்த முடிவுகளும் இதில் ஒரு காரணமாக அமைந்துள்ளதாகக் கூறப்படுகிறது.
