கோலாலம்பூர்: மலேசியாவில் பல மாநிலங்களில் நிபந்தனைக்குட்பட்ட நடமாட்டக் கட்டுப்பாட்டு ஆணையை நீக்கியதன் மூலம், ஜிஎஸ்சி தனது திரையரங்குகளை டிசம்பர் 16- ஆம் தேதி மீண்டும் திறப்பதாக அறிவித்துள்ளது. இது ஹாலிவுட் திரைப்படமான வோண்டர் வுமன் 1984 வெளியீட்டிற்கான நேரத்தில் அறிவிக்கப்பட்டுள்ளது.
கெடா, பினாங்கு, மலாக்கா, புத்ராஜெயா, பகாங் மற்றும் சரவாக் ஆகிய 9 இடங்களில் உள்ள அதன் திரையரங்குகள் டிசம்பர் 16- ஆம் தேதி மாலை 6.00 மணி முதல் திறந்திருக்கும் என்று ஜிஎஸ்சி தெரிவித்துள்ளது.
தற்போதைய சூழ்நிலையைப் பொறுத்து பட்டியல் மாற்றத்திற்கு உட்பட்டது என்று. அது குறிப்பிட்டுள்ளது.
நிபந்தனைக்குட்பட்ட நடமாட்டக் கட்டுப்பாட்டு ஆணை, கோலாலம்பூர், சபா மற்றும் சிலாங்கூரில் டிசம்பர் 20 வரை நீட்டிக்கப்பட்டுள்ளது. கிள்ளான் பள்ளத்தாக்கில் இருப்பவர்களுக்கு, அலமண்டாவில் மட்டுமே திரையரங்கு திறக்கப்படுகிறது.
திரையரங்குகள் மீண்டும் திறக்கப்பட்ட போதிலும், கொவிட்-19 இன் பரவலைக் குறைக்க கூடல் இடைவெளி போன்ற திரையரங்குகளுக்கான நிர்ணயிக்கப்பட்ட நிர்வாக நடைமுறைகளை அமல்படுத்த வேண்டும் என்று அது கூறியுள்ளது.
இதனிடையே, ஜனவரி 13-ஆம் தேதி வெளியாக இருக்கும் நடிகர் விஜயின் மாஸ்டர் திரைப்படமும் மலேசியாவில் வெளியாகும் என எதிர்பார்க்கப்படுகிறது. ஆனால், ஜிஎஸ்சி முன்னர் குறிப்பிட்டது போல, அப்போதைய நிலவரம் பொருத்து இதற்கான முடிவுகள் வெளியாகும் என்று எதிர்பார்க்கப்படுகிறது.
