Home One Line P1 3 மலாய் கட்சிகளும் அரசியல் நெருக்கடியை ஒன்றுபட்டு கையாள வேண்டும்

3 மலாய் கட்சிகளும் அரசியல் நெருக்கடியை ஒன்றுபட்டு கையாள வேண்டும்

93
0
SHARE

கோலாலம்பூர்: மூன்று முக்கிய மலாய் கட்சிகளான அம்னோ, பாஸ், பெர்சாத்து ஒன்றுபட்டு கூட்டணியில் உள்ள அரசியல் நெருக்கடியை முடிவுக்கு கொண்டுவர முடியும்.

இதனை தேசிய முன்னணி முன்னாள் பொதுச் செயலாளர் அனுவார் மூசா தெரிவித்துள்ளார்.

“இந்நாட்டில் அரசியலை நிலைப்படுத்துவதே எனது நோக்கம். இதனால் அரசாங்கம் மக்களுக்கு அதன் பங்களிப்பை அடைய முடியும். மேலும் நிலைத்தன்மையின் முக்கிய அம்சம் பாஸ், அம்னோ மற்றும் பெர்சாத்து இடையே மேம்படுத்தப்பட வேண்டிய புரிதல் ஆகும். ஒன்று இல்லை என்றால், இது சரிவராது,” என்று அவர் நேற்று சினார் ஹரியானிடம் கூறினார்.

மேலும், தனிப்பட்ட உணர்வுகளை ஒதுக்கி வைக்கவும் அனுவார் அவர்களை வலியுறுத்தினார்.

முக்கியமாக 15- வது பொதுத் தேர்தலில் தேசிய அரசியல் நிலைப்படுத்தப்பட வேண்டும். இனி இடைநிறுத்தப்பட்ட நாடாளுமன்றம் இருக்க முடியாது அல்லது இனி அரசாங்கங்களை மாற்ற முடியாது.

இந்த நேர்காணலில், பாஸ், பெர்சாத்து மற்றும் பிரதமர் மொகிதின் யாசின் ஆகியோருடன் தொடர்ந்து நல்லுறவைப் பேணுவதாக அனுவார் கூறினார்.

“என்னை நீக்கியது பரவாயில்லை. நான் தலைவருடன் (அகமட் சாஹிட் ஹமிடி) முரணாக இல்லை. நான் பாஸ், பெர்சாத்து மற்றும் பிரதமர் ஆகியோருடன் நல்ல உறவைப் பேணுவேன். அனைத்து கட்சிகளும் மீண்டும் ஆட்சிக்கு வருவதை நான் காண விரும்புகிறேன்,” என்று அனுவார் கூறினார்.

கடந்த வாரம், கெரெதே நாடாளுமன்ற உறுப்பினருமான அனுவார் மூசா பொதுச் செயலாளர் பதவியில் இருந்து நீக்கப்பட்டார்.

Comments