கோலாலம்பூர்: அமெரிக்காவில் புதிய நிர்வாகம் குறித்து பாஸ் தலைவர் அப்துல் ஹாடி அவாங் கூறிய கருத்துகள் தொடர்பாக முன்னாள் துணை வெளியுறவு அமைச்சர் விமர்சித்துள்ளார்.
முந்தைய துணை வெளியுறவு அமைச்சரான மார்சுகி யஹ்யா, ஹாடியின் கருத்துகள் “முறையற்றவை” என்று கூறினார்.
மத்திய கிழக்கிற்கான மலேசியாவின் சிறப்பு தூதரான ஹாடி, வெள்ளை மாளிகையில் புதிய அதிபரைக் கொண்டிருப்பது முஸ்லீம் நாடுகளுக்கு அர்த்தமற்றது என்று கூறியுள்ளார். அதிபர் ஜோ பைடன் சியோனிச செல்வாக்குமிக்க கொள்கைகளுடன் தொடருவார் என்று அவர் குற்றம் சாட்டினார்.
பைடனுக்கும், டொனால்டு டிரம்பிற்கும் உள்ள ஒரே வித்தியாசம், பைடன் மென்மையான, அதிக அரசதந்திர அணுகுமுறையுடன் செயல்படுவார்.
பிரதமர் மொகிதின் யாசின், பைடனுக்கு கூறிய வாழ்த்துச் செய்திக்கும், இப்போது ஹாடியின் கருத்தும் முற்றிலும் மாறுபட்டது. அமெரிக்காவுடனான உறவை வலுப்படுத்த மலேசியாவின் விருப்பத்தை அவர் வெளிப்படுத்தினார்.
“இது சரியல்ல. நம்மிடம் வெளியுறவுக் கொள்கை உள்ளது. நாம் எல்லா நாடுகளுடனும் நல்லுறவைக் கொண்டிருக்க வேண்டும். வெளிநாட்டு ஜனநாயகங்களை நாங்கள் விமர்சிக்க முடியாது. மக்களால் தேர்ந்தெடுக்கப்படாத அரசாங்கத்திற்கு ஜனநாயகத்தை எவ்வாறு மதிக்க வேண்டும் என்று தெரியவில்லை.” என்று அவர் கூறினார்.
