கோத்தா பாரு: கிளந்தானில் மூத்த குடிமக்களில் கிட்டத்தட்ட 20 விழுக்காட்டினர் கொவிட் -19 தடுப்பூசிப் பெற வரவில்லை.
கிளந்தான் சுகாதாரத் துறை இயக்குநர் ஜெய்னி ஹுசின் கூறுகையில், ஏப்ரல் 22 முதல் மே 4 வரை மொத்தம் 8,106 மூத்த குடிமக்கள் தங்கள் கொவிட் -19 தடுப்பூசிகளைப் பெற வேண்டும் என்று கூறினார்.
“ஆனால் 1,411 மூத்த குடிமக்கள் வரவில்லை,” என்று அவர் கூறினார்.
“தடுப்பூசிக்கு பதிவு செய்த போதிலும் அவர்கள் ஏன் வரவில்லை என்று எங்களுக்குத் தெரியவில்லை,” என்று அவர் மலேசியாகினியிடம் கூறினார்.
மே 7- ஆம் தேதிக்குள் மேலும் 4,164 பேர் தங்கள் கொவிட் -19 தடுப்பூசிகளைப் பெறுவார்கள் என்று ஜெய்னி எதிர்பார்க்கிறார்.
பதிவுசெய்தவர்கள் ஒத்துழைத்து தங்கள் தடுப்பூசிகளைப் பெற வருவார்கள் என்று அவர் நம்புவதாகக் கூறினார்.
கொவிட் -19 நோய்த்தடுப்பு திட்டத்தின் இரண்டாம் கட்டம், ஏப்ரல் 19 அன்று மூத்த குடிமக்கள், நோய்வாய்ப்பட்ட மற்றும் ஊனமுற்றோர் ஆகியோரை மையமாகக் கொண்டு தொடங்கியது.
இன்றுவரை, சபாவுக்குப் பிறகு கொவிட் -19 தடுப்பூசிக்கான இரண்டாவது மிகக் குறைந்த பதிவு விகிதத்தை கிளந்தான் கொண்டுள்ளது.
மே 4 நிலவரப்படி, கிளந்தானில் மொத்தம் 328,568 பேர் அல்லது மாநில மக்கள் தொகையில் 26.70 விழுக்காடு பேர் கொவிட் -19 தடுப்பூசிக்கு பதிவு செய்துள்ளனர்.
