சென்னை, மே 22 – ஐஸ்வர்யா ராய் கேன்ஸ் திரைப்பட விழாவில் கலந்து கொள்ளும் ஒவ்வொரு முறையும் மறக்காமல் பறக்கும் முத்தம் கொடுப்பார். கேன்ஸ் திரைப்பட விழாவில் லாரியஸ் பிராண்ட் அம்பாசிடரான ஐஸ்வர்யா ராய் பல ஆண்டுகளாக கலந்து கொண்டு வருகிறார். இந்த ஆண்டு அவர் தங்க நிற கவுன் ஆடை அணிந்து கேன்ஸ் விழாவுக்கு சென்றார்.
ஒவ்வொரு ஆண்டும் கேன்ஸ் திரைப்பட விழாவில் சிவப்பு கம்பளத்தில் நடக்கும்போது ஐஸ்வர்யா ராய் தவறாமல் பறக்கும் முத்தம் கொடுப்பார். இந்த ஆண்டு கேன்ஸ் விழாவில் சிவப்பு கம்பளத்தில் நடந்த ஐஸ்வர்யா அங்கு கூடியிருந்தவர்களை பார்த்து முத்தத்தை பறக்கவிட்டார்.
குழந்தை பெற்ற பிறகும் கேன்ஸ் விழாவில் கலந்து கொண்ட ஐஸ்வர்யா பறக்கும் முத்தம் கொடுத்தார். அவர் குண்டாக இருந்தது குறித்து தான் மீடியாக்கள் அப்போது பரபரப்பாக பேசின.
ஐஸ்வர்யா 2006-ஆம் ஆண்டில் இருந்து ஆண்டு தோறும் கேன்ஸ் விழாவில் முத்தத்தை பறக்கவிடுகிறார். 2010-ஆம் ஆண்டு கேன்ஸ் விழாவில் கலக்கலான உடையில் கலந்து கொண்ட ஐஸ் வழக்கம் போல் பறக்கும் முத்தம் கொடுத்தார். ஐஸ்வர்யா 2002-ஆம் ஆண்டு முதல் கேன்ஸ் திரைப்பட விழாவில் கலந்து கொண்டு வருகிறார் என்பது குறிப்பிடத்தக்கது.
