காத்மாண்டு, ஆகஸ்ட் 8 – சார்க் நாடுகள் பங்கேற்கும் 18-வது மாநாடு, வரும் நவம்பர் மாதம் 26-ம் தேதி நேபாளத்தில் நடைபெற இருப்பதாக அறிவிக்கப்பட்டுள்ளது.
இது குறித்து அந்நாட்டின் வெளியுறவுத் துறை அமைச்சக உதவி செய்தித் தொடர்பாளர் பாரத் ராஜ் ரெக்மி கூறுகையில், “சார்க் நாடுகள் பங்கேற்கும் 18-வது மாநாடு, வரும் நவம்பர் மாதம் 26-ம் தேதி தொடங்கி 2 நாள்கள் நடைபெறும்.
இது தொடர்பாக சார்க் அமைப்பின் உறுப்பு நாடுகளுக்கு தெரிவிக்கப்பட்டுள்ளது” என்று தெரிவித்துள்ளார். மேலும் அவர், இந்த மாநாட்டை வெற்றிகரமாக நடத்த பல்வேறு உயர் நிலைக் குழுக்கள் அமைக்கப்பட்டுள்ளன என்று குறிப்பிட்டுளார்.
சார்க் அமைப்பில் இந்தியா, பாகிஸ்தான், இலங்கை, ஆப்கானிஸ்தான், வங்கதேசம், பூட்டான் உள்ளிட்ட 8 நாடுகள் உறுப்பினர்களாக உள்ளன. கடந்த 2002-ம் ஆண்டும் சார்க் மாநாடு நேபாளத்தில் நடைபெற்றது என்பது குறிப்பிடத்தக்கது.
