வாஷிங்டன்: அமெரிக்க அதிபருக்கான தேர்தலில் கமலா ஹாரிஸ் வெற்றி பெறுவார் என எதிர்பார்க்கப்படும் வேளையில், இறுதிக் கட்டப் பிரச்சாரத்தில் டிரம்ப் முந்துகிறார் என கருத்துக் கணிப்புகள் தெரிவித்துள்ளன.
எதிர்வரும் நவம்பர் 5-ஆம் தேதி நடைபெறவிருக்கும் அமெரிக்க அதிபர் தேர்தலுக்கான பிரச்சாரப் பயணத்தில் துணை அதிபர் கமலா ஹாரிஸ் மற்றும் முன்னாள் அதிபர் டொனால்ட் ட்ரம்ப் முக்கியப் போர்க்கள மாநிலமான பென்சில்வேனியாவில் போட்டிப் பிரச்சார நிகழ்ச்சிகளை நடத்தியுள்ளனர்.
தேர்தல் நாளுக்கு இன்னும் சில வாரங்கள் மட்டுமே உள்ள நிலையில் வாக்காளர்களுக்கு இறுதி நேரத்தில் தங்கள் உரைகளை வழங்க இரண்டு வேட்பாளர்களும் முனைந்துள்ளனர்.
சமீபத்திய சிஎன்என் ஊடக கருத்துக் கணிப்பில், அதிபர் போட்டியில் தெளிவான முன்னணியாளர் இல்லாத நிலை உள்ளது எனத் தெரிவிக்கப்பட்டுள்ளது.
ஹாரிஸுக்கு 50% வாக்காளர்கள் ஆதரவளிக்கின்றனர், ட்ரம்புக்கு 47% பேர் ஆதரவளிக்கின்றனர் என்பதே இப்போதைய நிலைமை.
அமெரிக்க அதிபர் தேர்தலில் முழுவதும் முன் வாக்குப்பதிவு மற்றும் அஞ்சல் மூலமான வாக்குப்பதிவு ஏற்கனவே தொடங்கியுள்ளது.
