நியூ யார்க் – 2016-ம் ஆண்டில், வாழ்வதற்கு சிறந்த நாடுகள் பட்டியலில் மலேசியாவிற்கு 28-வது இடமும், இந்தியாவிற்கு 22-வது இடமும், சிங்கப்பூருக்கு 15-வது இடமும் கிடைத்துள்ளது.
சுவிட்சர்லாந்தைச் சேர்ந்த உலக பொருளாதார மையமும், யூஎஸ் நியூஸ் மற்றும் வேர்ல்ட் ரிப்போர்ட் அமைப்பும், சமீபத்தில் ஏறக்குறைய 60 நாடுகளைச் சேர்ந்த 16,200-க்கும் மேற்பட்ட மக்களிடம் வாழ்வதற்கு சிறந்த நாடுகள் குறித்து கருத்துக்கணிப்பை மேற்கொண்டது. நிலத்தன்மை, துணிச்சல், கலாச்சார செல்வாக்கு, தொழில் முனைவோர், பாரம்பரியம், வணிகம், வாழ்க்கைத் தரம் மற்றும் பொருளாதாரம் உட்பட 24 தகுதிகளை அடிப்படையாகக் கொண்டு ஆய்வு மேற்கொள்ளப்பட்டது.
இந்த ஆய்வின் முடிவில், வாழ்வதற்கு சிறந்த நாடுகள் பட்டியலில் ஜெர்மனி முதலிடம் பிடித்துள்ளது. இரண்டாவது இடத்தை கனடாவும், மூன்றாம் இடத்தை இங்கிலாந்தும் பிடித்துள்ளன. 4-வது இடம் அமெரிக்காவுக்கும், 5-ம் இடம் சுவிடனுக்கும், 6-வது இடம் ஆஸ்திரேலியாவுக்கும், 7-வது இடம் ஜப்பானுக்கும், 8, 9 மற்றும் 10-வது இடங்கள் முறையே பிரான்ஸ், நெதர்லாந்து மற்றும் டென்மார்க்கிற்கும் கிடைத்துள்ளன.
இந்தப் பட்டியலில் சிங்கபூருக்கு 15-வது இடமும், மலேசியாவிற்கு 28-வது இடமும், இந்தியாவிற்கு 22-வது இடம் கிடைத்துள்ளது.
