கோலாலம்பூர் – சிவப்பு சட்டை அணியின் தலைவர் அம்னோவைச் சேர்ந்த டத்தோ ஜமால் யூனுஸ், மே 13 மாதிரியான போராட்டம் வெடிக்கும் என சமூக வலைத் தளங்களில் தெரிவித்துள்ள கருத்து குறித்து காவல் துறைத் தலைவர் (ஐஜிபி) தனது கண்டனத்தைப் பதிவு செய்துள்ளார்.
‘பெர்சே 5 பேரணி நடந்தால், பாராங் கத்திகள் பறக்கும், மே 13 அசம்பாவிதம் மீண்டும் திரும்பும் என நான் உறுதி கூறுகின்றேன்’ என ஜமால் தனது முகநூல் பக்கத்தில் கூறியிருந்தார்.
ஜமால் யூனுசின் மே 13 குறித்த முகநூல் பதிவு இதுதான்!
இதுபோன்ற கருத்துக்களைப் பொறுத்துக் கொள்ள முடியாது, காவல் துறை தகுந்த நடவடிக்கை எடுக்கும் என காலிட் அபு பாக்கார் தனது டுவிட்டர் பக்கத்தில் கூறியிருக்கின்றார்.
இதற்கிடையில், செப்டம்பர் 21-ஆம் தேதி பதிவிடப்பட்ட அந்த கருத்து தன்னுடையதல்ல என்றும், சம்பந்தப்பட்ட அந்த முகநூல் பக்கம் தன்னுடையதல்ல போலியானது என்றும் ஜமால் மறுப்பு தெரிவித்துள்ளார்.
