கோலாலம்பூர்: புதிய மாநில அரசாங்கத்தை உருவாக்க நம்பிக்கை கூட்டணியுடன் இணைந்து பணியாற்றுவதற்கான வாய்ப்பை பேராக் அம்னோ தீவிரமாக பரிசீலித்து வருகிறது.
எவ்வாறாயினும், நடந்து வரும் கலந்துரையாடல்களுக்கு நெருக்கமான வட்டாரங்களின்படி, இந்த கூட்டணிக்கு ஒரு தடையாக உள்ளது, ஜசெக நிர்வாக பதவிகளை வகிக்கக்கூடாது என அம்னோ பேராக் கூறுவதுதான்.
அம்னோவும் ஜசெகம் அரசியலில் பாரம்பரிய எதிரிகளாகக் காணப்படுகிறார்கள். எனவே, வட்டாரம் கூறுகையில், கூட்டணி உருவானால், அது அடிமட்ட மக்களிடையே அம்னோவின் நிலையை பாதிக்கும் என்று தெரிவித்துள்ளார்.
எனவே, புதிய பேராக் அரசாங்கத்தை அமைப்பதற்கான அம்னோவின் நிபந்தனை என்னவென்றால், பிகேஆர் மற்றும் அமானா ஆகியோருக்கு மட்டுமே புதிய அமைச்சரவையில் சேர அனுமதிக்கப்பட வேண்டும், அல்லது ஆட்சிக் குழு உறுப்பினராக இருக்க வேண்டும். ஜசெக இடம்பெற முடியாது.
“இந்த கோரிக்கை முற்றிலும் நியாயமற்றது,” என்று அந்த வட்டாரம் கூறியது. 16 தொகுதிகளைக் கொண்டஜசெக, 25 தொகுதிகளைக் கொண்ட அம்னோவுக்குப் பிறகு பேராக்கில் இரண்டாவது பெரிய கட்சியாகும்.
பேராக் பிகேஆர் தலைவர் பார்ஹாஷ் வாபா சால்வடார் ரிசால் முபாரக், இதனைத் தெரிவித்துள்ளார். அமானா பேராக் தலைவர் அஸ்முனி அவியும் மலேசியாகினியிடம் இதே விஷயத்தை கூறினார்.
“நாங்கள் நம்பிக்கை கூட்டணியாக ஒன்றாக நுழைவோம். யாரும் விடுபட முடியாது, அது நல்லதல்ல,” என்று மஞ்சோய் சட்டமன்ற உறுப்பினரான அஸ்முனி கூறினார்.
பேராக் அம்னோ தலைவர்கள் நேற்று சக நம்பிக்கை கூட்டணி தலைவர்களை சந்தித்தார்கள், ஆனால் இறுதி உடன்பாட்டை எட்டவில்லை என்பது புரிகிறது.
இறுதி முடிவு இன்று அம்னோ மத்திய மட்டத்தில் தலைவர்களுக்கு இடையிலான சந்திப்பின் முடிவைப் பொறுத்தது.
