சென்னை : 2025-ஆம் ஆண்டுக்கான அயலக தமிழர் தினம் மாநாட்டுக் கொண்டாட்டங்கள் எதிர்வரும் ஜனவரி 11, 12-ஆம் தேதிகளில் சென்னை வர்த்தக மையத்தில் நடைபெறுகின்றன.
ஆண்டு தோறும் தமிழக அரசின் சார்பில் அயலகத் தமிழர் தினம் மாநாடு கொண்டாடப்படுகிறது. பல நாடுகளில் இருந்து தமிழர்கள் இந்த மாநாட்டில் கலந்து கொள்கின்றனர்.
2024-ஆம் ஆண்டுக்கான மாநாடு கடந்த ஜனவரியில் நடைபெற்றபோது அதன் மைய நிகழ்வாக அமைந்தது அனைத்துலக அளவில் பல்வேறு துறைகளில் சேவையாற்றி வரும் தமிழ் பிரமுகர்களுக்கு கணியன் பூங்குன்றனார் சிறப்பு விருதுகள் வழங்கப்பட்டதாகும்.
மலேசியாவின் சார்பில் ம.இ.கா துணைத் தலைவரும், தாப்பா நாடாளுமன்ற உறுப்பினருமான டத்தோஸ்ரீ எம்.சரவணனுக்கு அவரின் சமுதாய சேவைகளைப் பாராட்டும் கௌரவிக்கும் வகையில் 2024-ஆம் ஆண்டுக்கான கணியன் பூங்குன்றனார் விருது வழங்கி கௌரவிக்கப்பட்டது.
2024-ஆம் ஆண்டுக்கான மாநாட்டில் சிறப்பு அங்கமாக நடைபெற்ற “ஒளிரும் எதிர்காலம்- வாய்ப்புகளும் சவால்களும்” என்ற தலைப்பிலான கலந்துரையாடல் அமர்வு தமிழ்நாடு தகவல் தொழில்நுட்ப அமைச்சர் பி.டி.பழனிவேல் தியாகராஜன் தலைமையில் நடைபெற்றது. இந்த அமர்வில் மலேசியாவின் கணினித் துறை வல்லுனர் முத்து நெடுமாறன் உரையாளர்களில் ஒருவராக சிறப்புரை நிகழ்த்தினார்.
2025-ஆம் ஆண்டுக்கான அயலகத் தமிழர் தினம் குறித்த விவரங்களைத் தெரிந்து கொள்ளவும் மாநாட்டில் கலந்து கொள்ள பதிவு செய்யவும் கீழ்க்காணும் இணையத் தளத்தை அணுகலாம்:
https://nrtamils.tn.gov.in/
2025-ஆம் ஆண்டுக்கான அயலகத் தமிழர் தினம் குறித்த விவரங்களைக் கீழ்க்காணும் யூடியூப் தளத்தில் காணலாம்:
