ராஞ்சி, மே 23 – ராஞ்சியில் நடைபெற்ற சென்னை சூப்பர் கிங்ஸ்க்கு எதிரான போட்டியில் சன்ரைசர்ஸ் அணி 6 விக்கெட்டுகள் வித்தியாசத்தில் அபார வெற்றி பெற்றது.
முன்னதாக டாஸ் வென்ற சன்ரைசர்ஸ் அணி முதலில் பந்து வீச்சை தேர்வு செய்தது. இதனை அடுத்து களமிறங்கிய சென்னை அணி நிர்ணயிக்கபட்ட 20 ஓவர்களில் 3 விக்கெட்டுகளை இழந்து 185 ரன்கள் குவித்தது.
சென்னை அணியில் டோனி, டேவிட் ஹஸ்ஸி ஆகிய இருவரும் சிற்பபாக ஆடி அரை சதம் அடித்து அசத்தினர். டோனி 57, டேவிட்ஹஸ்ஸி 50, ரன்களுடன் இறுதிவரை ஆட்டமிழக்காமல் களத்தில் இருந்தனர்.
இதனை அடுத்து 186 ரன்கள் எடுத்தால் வெற்றி என்ற இலக்குடன் களமிறங்கிய சன்ரைசர்ஸ் 19.4 ஓவர்களில் 4 விக்கெட்டுகளை இழந்து 189 ரன்கள் எடுத்து 6 விக்கெட்டுகள் வித்தியாசத்தில் அபார வெற்றி பெற்றது.
தவான் 64 ரன்கள் எடுத்து இறுதி வரை ஆட்டமிழக்காமல் வெற்றியை வசப்படுத்தினார். இறுதியாக ஆடிய டோனியின் சொந்த ஊரான ராஞ்சியில் நடைபெற்ற 2 ஆட்டங்களிலும் சென்னை அணி தோல்வியை தழுவியது குறிப்பிடத்தக்கது.
