கோலாலம்பூர் – சரவாக்கில் வெறிநாய் கடிப்பதன் மூலம் பரவும் ரேபிஸ் நோய்க்கு இதுவரை 5 பேர் பலியாகியிருக்கின்றனர்.
இந்நிலையில், மாநில சுகாதாரத்துறை அதிகாரிகள் அப்பகுதியில் விழிப்புணர்வை ஏற்படுத்தும் பணியில் ஈடுபட்டிருக்கின்றனர்.
இதனிடையே, வெறிநாய் கடித்து ரேபிஸ் தொற்றுநோயால் பாதிக்கப்பட்டவர்கள் இருக்கும் பகுதியில் மட்டுமே தடுப்பூசி போடப்படும் என சுகாதாரத்துறை அமைச்சர் டத்தோஸ்ரீ டாக்டர் எஸ்.சுப்ரமணியம் தெரிவித்திருக்கிறார்.
இதற்காக அமைச்சு சுமார் 8000 தடுப்பு ஊசி மருந்துகளை வைத்திருந்ததாகவும், அவற்றில் தற்போது 2000 தடுப்பு ஊசிகள் பயன்படுத்தப்பட்டுவிட்டதாகவும் டாக்டர் சுப்ரா தெரிவித்திருக்கிறார்.
