ரோம் – பாலிவுட் திரையுலகில் கல்யாணத்துக்குத் தயாராகும் அடுத்த இணை ரன்வீர் சிங் – தீபிகா படுகோன் இணையாகும். பாலிவுட்டில் பல நடிகர் நடிகையர் காதல் வலையில் சிக்கி – காதலர்களாகச் சுற்றி வந்தாலும், அவர்களில் பலர் கல்யாணம் வரை வருவதில்லை.
பாலிவுட்டின் பல கதாநாயகர்களுடன் கிசுகிசுக்கப்பட்ட தீபிகா படுகோன் இறுதியில் ரன்வீர் சிங்கைக் கைப்பிடிக்கப் போவதாக அண்மையில் அறிவிக்கப்பட்டது.
இவர்களின் திருமணம் எதிர்வரும் நவம்பர் 14 மற்றும் 15-ஆம் தேதிகளில் இத்தாலி நாட்டின் வில்லா டெல் பால்பியானெல்லோ (Villa Del Balbianello) என்ற இடத்தில் அழகிய ஏரி ஒன்றின் அருகில் உள்ள தங்கும் விடுதியில் நடைபெறுகிறது.
இதற்காக, ரன்வீர் குடும்பத்தினரும், தீபிகா குடும்பத்தினரும் இத்தாலி சென்றடைந்துள்ளனர். அவர்கள் இருவருக்கும் மிக நெருக்கமான நண்பர்கள், உறவினர்கள் மட்டுமே அவர்களின் திருமணத்திற்கு அழைக்கப்பட்டுள்ளனர்.
