திருவனந்தபுரம் : இந்தியாவின் 5 மாநிலங்களுக்கான சட்டமன்றத் தேர்தல் முடிவுகள் இன்று ஞாயிற்றுக்கிழமை (மே 2) இந்திய நேரப்படி காலை 8.00 மணி முதல் வெளியிடப்பட்டு வருகின்றன.
சட்டமன்றத் தேர்தல்கள் நடைபெற்ற 5 மாநிலங்களில் ஒன்றான கேரளாவில் வரலாற்றுபூர்வ வெற்றியாக நடப்பு முதலமைச்சர் பினராய் விஜயன் (படம்) வெற்றி பெற்றிருக்கிறார்.
எப்போதுமே கேரளாவில் மாறி, மாறி கூட்டணிகளுக்கு ஆட்சி வாய்ப்பை வாக்காளர்கள் தருவது வழக்கம். இந்த மரபு பல ஆண்டுகளில் இப்போது முதன்முறையாக மாறியிருக்கிறது.
மொத்தமுள்ள 140 தொகுதிகளில் 88-க்கும் மேற்பட்ட தொகுதிகளில் பினராய் விஜயன் தலைமையிலான மார்க்சிஸ்ட் கம்யூனிஸ் கூட்டணி கட்சி முன்னணி வகித்து வருகிறது.
காங்கிரஸ் தலைமையிலான கூட்டணி 47-க்கும் மேற்பட்ட தொகுதிகளில் முன்னணி வகிக்கிறது.
பாஜக 4 தொகுதிகளில் முன்னணி வகிக்கிறது. கேரளாவில் அதிக ஆதரவுத்தளம் இல்லாத பாஜக 4 தொகுதிகளில் முன்னணி வகிப்பது முக்கியத் திருப்பமாகப் பார்க்கப்படுகிறது.
