Home நாடு சிலாங்கூர்: மே 6 முதல் கடைகளில் உணவருந்த அனுமதியில்லை

சிலாங்கூர்: மே 6 முதல் கடைகளில் உணவருந்த அனுமதியில்லை

150
0
SHARE
Ad

ஷா ஆலாம்: சிலாங்கூர் அரசு நாளை முதல் மாநிலத்தில் உள்ள கடைகளில் உணவு உட்கொள்ள தடை விதித்துள்ளது.

நாளை முதல் கிட்டத்தட்ட இரண்டு வாரங்களுக்கு நடமாட்டக் கட்டுப்பாட்டு உத்தரவின் கீழ் ஆறு மாவட்டங்களை வைக்க மத்திய அரசு எடுத்த முடிவைத் தொடர்ந்து, இந்த விஷயத்தை இன்று பிற்பகல் மந்திரி பெசார் அமிருடின் ஷாரி அறிவித்தார்.

இதே தடை மாநிலத்தில் உள்ள உணவகங்கள் மற்றும் தங்கும் விடுதிகளில் ரமலான் விருந்துகளை நடத்துவதும் அடங்கும்.

#TamilSchoolmychoice

மளிகைக் கடைகள், எண்ணெய் நிலையங்கள் மற்றும் உணவகங்கள் நடமாட்டக் கட்டுப்பாட்டு ஆணை காலத்தில் காலை ஆறு மணி முதல் நள்ளிரவு 12 வரை செயல்படலாம்.

“மேற்கூறியவை தவிர மற்ற விவரங்கள் தேசிய பாதுகாப்பு மன்றத்திற்கு உட்பட்டவை,” என்று அமிருடின் கூறினார்.

“மாநில அரசாங்கம் நிர்ணயிக்கப்பட்ட நிர்வாக நடைமுறைகளுடன் முழுமையாக இணங்குமாறு பொதுமக்களை நினைவுபடுத்த விரும்புகிறது,” என்று அவர் கூறினார்.

Comments