கோலாலம்பூர் : இன்று பிற்பகல் 2.30 மணியளவில் நடைபெற்ற மலாய் ஆட்சியாளர்கள் சந்திப்புக் கூட்டம் பிற்பகல் 4.30 மணியளவில் நிறைவடைந்தது.
சுமார் 2 மணி நேரக் கூட்டத்திற்குப் பின்னர் மலாய் சுல்தான்களின் கார்கள் ஒன்றன் பின் ஒன்றாக அரண்மனையிலிருந்து வெளியேறும் காட்சிகளை ஆஸ்ட்ரோ அவான் தொலைக்காட்சி அலைவரிசை ஒளிபரப்பியது.
நாட்டின் 9-வது பிரதமர் குறித்த முடிவை விவாதிக்க மலாய் ஆட்சியாளர்கள் இன்று கோலாலம்பூரில் மாமன்னரின் தலைமையில் ஒன்று கூடினர்.
இந்தக் கூட்டத்தில் ஜோகூர் சுல்தான் கலந்து கொள்ளவில்லை.
அடுத்த பிரதமர் யார் என்பது குறித்த அதிகாரபூர்வ அறிவிப்பு இனி வெளியிடப்படும் என்ற எதிர்பார்ப்பு நிலவுகிறது.
