கோலாலம்பூர்: மலேசிய ஊழல் தடுப்பு ஆணையத்தின் புதிய தலைவராக பொறுப்பேற்ற வழக்கறிஞர் லத்தீஃபா கோயா இன்று செவ்வாய்க்கிழமை மாமன்னர் சுல்தான் அப்துல்லா முன்னிலையில் பதவியேற்றார்.
கடந்த ஜூன் 1-ஆம் தேதி தொடங்கி இரண்டு ஆண்டு காலத்திற்கு 14-வது எம்ஏசிசி தலைவராக நியமனம் செய்த கடிதத்தை மாமன்னர் சுல்தான் அப்துல்லா அவரிடம் வழங்கினார்.
2009-ஆம் ஆண்டு எம்ஏசிசி சட்டம் பிரிவு 5 (7) கீழ் ஒவ்வொரு தலைமை ஆணையரும் மாமன்னர் முன் பதவியேற்க வேண்டும்.
முன்னதாக, முன்னாள் ஊழல் தடுப்பு ஆணையத் தலைவர் டத்தோஶ்ரீ முகமட் சுக்ரி அப்துல் தமது சேவையை முன்கூட்டியே முடித்துக் கொள்வதாக அறிவித்தன் பேரில் பிரதமர் லத்தீஃபா கோயாவை புதிய தலைவராக நியமித்தார்.
