ஜாகர்த்தா, டிசம்பர் 30 – 162 பேருடன் மாயமாகிவுள்ள ஏர் ஏசியா QZ8501 விமானம் பற்றிய தகவல்கள் நாளுக்குநாள் அச்சத்தை ஏற்படுத்தி வருகின்றன.
இந்நிலையில் விமானத்தை ஓட்டிய விமானி இரியான்டோவின் 22-வயது மகள் ஏஞ்சலா, சமூக ஊடகத்தில் தனது தந்தையின் படத்தை வெளியிட்டு உருக்கமான பதிவு ஒன்றையும் பதிவு செய்துள்ளார்.
“அப்பா மீண்டும் வீட்டிற்கு வந்து விடுங்கள். எனக்கு நீங்கள் வேண்டும். என் அப்பாவை, திரும்ப கொண்டு வாருங்கள்” என்று ஏஞ்சலா தெரிவித்துள்ளார்.
இந்தோனேசியாவைச் சேர்ந்த விமானி இரியான்டோவிற்கு மனைவி மற்றும் பள்ளி செல்லும் 2 மகள்கள் உள்ளனர். குடும்பத்திலும், பணியிடங்களிலும் நன்மதிப்பை பெற்றுள்ள அவர், 6 ஆயிரத்து 100 மணிநேரம் விமானம் ஓட்டிய அனுபவம் உள்ளவர் என்பது குறிப்பிடத்தக்கது.
