நியூயார்க், ஜூன் 11- அமெரிக்காவில் உள்ள ‘லாப நோக்கமற்ற தேசிய தந்தையர் தின குழு‘ ஒவ்வொரு ஆண்டும் சிறந்த தந்தைக்கான விருதை வழங்கி வருகிறது.
இந்த குழு ‘பாதர் ஆப் த இயர்‘ என்ற பெயரில் 1941-ம் ஆண்டு முதல் விருதினை வழங்கி வருகிறது.
உலக தந்தையர் தினம் வரும் 16-ம் தேதி கொண்டாடப்பட உள்ள நிலையில் இந்த வருடத்திற்கான விருது அமெரிக்காவின் முன்னாள் அதிபர் பில் கிளின்டனுக்கு வழங்கப்பட இருப்பதாக இந்த குழு தகவல் வெளியிட்டுள்ளது. இதற்கு அவர் மகள் செலஸ் மகிழ்ச்சி தெரிவித்துள்ளார்.
கிளின்டன் அதிபராக இருந்த போது, அவருடைய 12 வயதான மகள் செலஸ்-சை வெளியுலக பார்வையிலிருந்து பாதுகாத்து வந்தார். அவர் தனது பணியையும் தந்தை பொறுப்பையும் சரிவர நிறைவேற்றியதை பாராட்டும் விதமாக இந்த விருதை அவருக்கு அளிப்பதாக அக்குழு கூறியுள்ளது.
இந்த விருது ஜான் கென்னடி, ரோனால்ட் ரீகன், கோலின் பாவெல் ஆகியோருக்கும் வழங்கப்பட்டது குறிப்பிடத்தக்கது.
